دموع وافراح انسان حزين ساعات مرتاح

بصيت من شباك ذكرياتى على الى فات

لقيت بنت وحيدة قاعدة بتكلم عروستها

بتقولها انتى صحبتى وومعاكى بقضى كل الاوقات

ومسكت مشط صغنن وسرحتها

شفت شقاوة وخفة و دلع وبنوتة امورة

طيبة وبتحب اصحابها وكمان شطورة

بصيت من شباك ذكرياتى على الى عدى

عمر بسرعة جرى ولا لحظة هدى

عدت الايام الجميلة الصافية

خلصت الصداقة وانقضت الايام الدافية

بصيت من شباك ذكرياتى على الى راح

شفت قلب حب ومشافش غير جراح

شفت لحظة ابتسام فى وسط دموع

وكلمة حمدالله على السلامة لصديق وقت رجوع