دموع وافراح انسان حزين ساعات مرتاح

بيقولى بحبك !!! ردوا انتوا عليه



حد يقوله يعنى ايه حب حد يعرفه عليه



بيقولى بحبك وهو معندوش قلب!



كل كلامه وحواديته شوية كدب



بيقولى بحبك مليش غيرك



ولا عاوز غيرى فتفكيرك



وهو كل ساعة بيكلم واحدة جديدة



قال دى صحبة ودى جدعة ودى من بلد بعيدة

بيقولى بحبك !!ردوا انتوا عليه



انتٍ الدنيا والحبيبة وكل ده ليه!!



علشان طماع ولا يقبل حاجة تروح من بين ايديه



مستخسر واحدة تقول بحبك ويضيعها من حوليه



بيقولى بحبك مش اوهام



وحبه كله كلام فى كلام



على صورتِك بصحى يا روحى وانام



وطيفِك ولا بيفارقنى فى الأحلام



والاقيه بيكلم واحدة والتانية بيغازلها!!



ويقولى دى صاحبتى ودى بجاملها



بيقولى بحبك يا طيوبة يا حنينة



ويقنع فيا ياستى دى مواقف هينة



انتِ القلب الكبير انتِ القلب الطيب



انتِ جدعة انتِ الصاحب القريب



انتِ سرى والاقي سره مع كل الناس



ايه ده!! معقوله مفيش احساس؟



بيقولى بحبك سامحينى



بحبك اوعى تسيبينى



بحبك فعيونك خبينى



بحبك انتِ عمرى وسنينى



حد يقوله الحب مش كلمة من حرفين



الحب شعور بيعيش سنين وسنين



الحب عطاء وتضحية ورحمة



مش كلمة بتتقال وسط جُمل زحمة



الحب ثقة بتتولد بين اتنين



مش نظرات بين ناس رايحين جاين



الحب اخلاص فى القرب والبعد



مش حلفان والله بحبك ووعد



بيقولى بحبك انا كنت خايف



من بعدى!! ولا انت مش شايف



كان بيرضى نفسه بحب البنات



ويقولى انا كنت بشغل فراغ الاوقات



بيقولى بحبك حبينى زى زمان



وانا ايه يداونى ايه ينسينى الى كان



فاكر نفسه حاجة كبيرة والبنات يا حرام هتموت عليه



وهو ولا حاجة غير كدبة كبيرة ولا واحدة تانى هتبئى عليه



هو البنى ادم كدة دايما بيبع الى الشاف عيوبه



ويروح لغيره ويدور على حد جديد يغير معاه توبه



زى الى صرف فلوسه و يحط ايده فجيوبه



ويمشى يتمنظر فى الكون شماله وجنوبه



بحاجة ميملكهاش ولا يحتكم عليها



اهو ده حاله مع كل واحدة يكدب عليها



يقدم الحنان المزيف المغشوش



وهو مخادع والحنان ميعرفهوش



ويتكلم فى كل حاجة ويدارى عيوبه الى كشفتهاله انا في يوم



وناسى ان لو واحدة شافته على حقيقته حبها له مش هيدوم



بيقولى بحبك! ردوا انتوا عليه



حد يقوله يعنى ايه حب حد يعرفه عليه